Туристичка агенција Iguana Tours

Местоположбата на третиот најголем јонски остров, Закинтос, го прави место со многу турбулентна историја на коешто се измешале повеќе културни влијанија, а со тоа се создала богата традиција и интересни обичаи.

Музика

Луѓето што живеат на Закинтос се вистински вљубеници во музиката. Ним таа им е придружен детаљ во секој аспект од животот. Како и сите уметности, музиката процветала некаде во 18 век, кога овој остров бил под власт на Венеција. Во 1815 била основана првата музичка академија, а денес, на Закинтос ќе чуете прекрасни изведби на безброј музички дела, на гитара и особено на мандолина.

Карневал

Жителите на овој јонски остров се весели луѓе по природа коишто сакаат пеење, танцување и веселби. Токму затоа, во минатото, најпознатиот карневал што се одржува на Закинтос траел од втората недела во јануари, до крајот на октомври - речиси цела година. Во денешно време карневалот е скусен на последните две недели од октомври, но доколку тоа време се најдете на островот, не пропуштајте ги случувањата, карневалската атмосфера на Закинтос не може да се спореди со ниту едно друго место.

Традиционална кујна

Штом ќе заминете на Закинтос, едноставно мора да ги пробате најпознатите специјалитети на островската кујна. Не смеете да ги пропуштите: сосот со лук - скордалија, зајачко месо на традиционален начин и печеното пиле. Во некоја од бројните пекарници треба да си купите од традиционалното печиво пастели, а искуство само за себе се и слатките што се продаваат на отворено - фристурес.