Туристичка агенција Iguana Tours

Едно од најважните искуства од секој одмор е храната. Без разлика дали сакате автентична грчка храна, италијанска храна или пак се држите до познатото интернационално мени, рестораните на Закинтос ви нудат голем избор јадења што одморот ќе ви го направат едно пријатно доживување.

Едно од најважните искуства од секој одмор е храната. Без разлика дали сакате автентична грчка храна, италијанска храна или пак се држите до познатото интернационално мени, рестораните на Закинтос ви нудат голем избор јадења што одморот ќе ви го направат едно пријатно доживување.

Avgoustis

Овој ресторан се наоѓа на плажата Цивили. Истиот нуди големо мени, во кое се вклучени: јагнешко клефтико, свински стекови, мусака, традиционални пити, многу свежи салати; како и вегетеријански мениа и детски оброци. Телефон: 0030 26950 48689

Casa Grecque

Тука можете да одберете традиционална грчка кујна или пак некоја од интернационалните. Ако не можете да се одлучите, главниот готвач со 27 годишно искуство во повеќе земји ќе ви препорача храна од: грчката, англиската, француската или италијанската кујна. Casa Grecque е ресторан за оние кои сакаат мирна и опуштена атмосфера. Се наоѓа во Лаганас.

Ilision

Ресторан што се наоѓа во Аргаси, убаво сокриен од гужвите на главната улица. Мирната атмосфера и пријатната услуга ќе ви овозможат да уживате во грчките или интернационалните специјалитети.

La Bella Napoli

Во Лаганас имате можност да ја искусите автентичната италијанска храна, во автентичната италијанска атмосфера. Ресторанот La Bella Napoli е потсетник за блиските врски на Закинтос со италијанската култура и еден од подобрите ресторани.

Paporo

Овој ресторан, кој има најдолга, 33 годишна традиција, се наоѓа на плажата Аликес. Специјализиран е за традиционалната грчка кујна. Откако ќе ручате или вечерате, можете да се префрлите во делот крај водата кој функционира како бар и да уживате во големиот избор пијалаци.
Sugar Reef

Ресторанот Sugar Reef што се наоѓа во Каламаки е отворен цел ден и ви нуди појадок, ужинка, ручек и вечера; од грчката, како и интернационалната кујна. Во ресторанот има фамилијарна атмосфера.