Туристичка агенција Iguana Tours

Кога ќе се најдете на убаво место и ќе започнете да уживате во одморот, многу лесно може да се случи да се опуштите премногу и да заборавите на здравата исхрана, физичката активност и со тоа да ја загрозите формата на која сте работеле преку целата година.

Не можете да се одвоите од групата?

Неможноста да се одвоите од групата за да појдете да трчате нека не Ви претставува проблем. Доволно е секој ден, во склоп на заедничките активности да пешачите по 30 до 60 минути, за да ја одржите минималната потребна физичка активност, со што нема да дојде до пад на формата.

Не сте добар пливач?

Веројатно не постои човек кој не сака да биде во базен, во езеро или во море, во текот на жешките летни денови. Но, не сите се добри пливачи за да можат да добијат квалитетна физичка активност во текот на времето поминато во вода. Акваџогирајте околу 30 минути. Се работи за одлична кардиоваскуалрна вежба, а отпорот на водата ќе го елиминира неефикасното движење на екстремитетите и со тоа можете и да ја подобрите формата на суво.

Трчањето на одмор го чувствувате како обврска?

За да го надминете овој проблем, едноставно сменете ја рутината. Доколку вообичаено трчате наутро, излезете на зајдисонце, ако сакате да трчате по асфалтни патишта, тргнете по песочните плажи или поплочените патеки за пешачење, доколу трчате со друштво, излезете сами, итн.

Никогаш не сте трчале на плажа?

Во прв миг трчањето по песок може да Ви биде многу напорно бидејќи мускулите и тетивите се истегнуваат многу повеќе отколку кога трчате на тврда подлога. Одвојте еден ден за да се навикнете. Трчајте во куси интервали од по 2 до 3 минути. Помеѓу нив одете по една минута. Ограничете ја далечината, барем додека се навикнете.