Туристичка агенција Iguana Tours

Очилата за сонце одамна престанаа да бидат „само“ моден додаток и станаа незаобиколен дел од секоја летна комбинација. Погледнете какви очила се носат оваа сезона и прочитајте неколку совети за тоа како да ги изберетe идеалните очила за вас.
Очилата за сонце одамна престанаа да бидат „само“ моден додаток и станаа незаобиколен дел од секоја летна комбинација. Погледнете какви очила се носат оваа сезона и прочитајте неколку совети за тоа како да ги изберетe идеалните очила за вас.

За да нема забуна - квалитетните очила за сонце не служат само за привлекување внимание и за надополнување на изгледот, туку се и неопходна заштита од опасното УВ зрачење. Очите се десет пати почувствителни на УВ зраците отколку кожата, а овие зраци можат и трајно да го оштетат видот. На поголем ризик се изложени луѓето со сини очи бидејќи имаат помалку пигмент, што значи дека се почувствителни на зрачењето. Она што многумина забораваат додека своите деца ги премачкуваат со слоеви креми за сончање е дека и децата треба да носат очила за сонце! На своите очи можете да им помогнете и со здрава иcхрана - грашокот, кељот, спанаќот и останатиот лиснат зеленчук содржи лутеин кој помага во филтрирањето на штетното сино светло да не дојде до позадината на окото. За сите оние кои не се фанови на зеленчукот им остануваат на располагање stylish решенијата - очилата за сонце. Еве како да ги изберете вистинските.

УВ заштита
Препорачливо е да купите очила од познат произведувач кои пружаaт вистинска УВ заштита од сонцето. Изберете модел на кој пишува 99% или 100% заштита. Само тие навистина штитат.

Нека бидат темни
Ако се погледнете во огледало и низ стаклата ги гледате своите очи, тогаш тие нема доволно да ја блокираат светлината. Полупроѕирните очила не ни изгледаат добро.

Важна е рамката
Очилата не треба да ви паѓаат, туку да стојат цврсто дури и кога ја мрдате главата.

При купувањето побарајте помош од стручњаци
Наместо на улица купете очила во оптика. Така ќе добиете совет од стручњак, а тој ќе ви помогне и да изберете модел кој ги следи цртите на вашето лице. Секогаш барајте рамка која ја следи линијата на веѓите.

А што се однесува до моделот, погледнете какви очила за сонце се актуелни оваа сезона.